Fann stolen post hos mann i 30-åra

Ein mann i 30-åra frå Os blei måndag tatt med mindre mengder narkotika på seg i Bergen i går.

Det førte til ransaking av bustad i heimbyda.

– Vi fann noko stolen post i husværet hans, fortel politiførstebetjent Kenneth Rastad.

– Det er førebels for tidleg å seia om noko av posten er misbrukt.

– Lås postkassen

I haust var det fleire tilfelle av tjuveri av post i Os, noko ei kvinne blei dømt for på nyåret i år.

Den siste månaden har politiet fått fleire meldingar om post-tjuveri.

Det kan ta månadar før misbruket skjer. Politiet oppmodar folk om å låsa postkassane.