Næringsliv | 09. jan. 2017

Får 100 kvm med takterrasse

Når restaurantbygget «Osroso» står ferdig kan du sjå Tysnes frå Torget.

Får 100 kvm med takterrasse
Det cirka 11 x 11 meter store nybygget på Torget får trapp, heis og terrasse for gjestane. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 09. jan. 2017 21:40

Bildeserie:

Restauranten får 50 + 50 kvm inne, 80 ute og 100 på taket. (Foto: Kjetil Vasby Bruarøy)
Restauranten får 50 + 50 kvm inne, 80 ute og 100 på taket. (Foto: Kjetil Vasby Bruarøy)
Med «fjordgløtt». (Foto: Kjetil Vasby Bruarøy)
Med «fjordgløtt». (Foto: Kjetil Vasby Bruarøy)
Skisser frå 2016.
Skisser frå 2016.
Utanfor kjem det fontener i den nye steinen som prydar Øyro. (Foto: Andris Hamre)
Utanfor kjem det fontener i den nye steinen som prydar Øyro. (Foto: Andris Hamre)
1 av 4
Restauranten får 50 + 50 kvm inne, 80 ute og 100 på taket. (Foto: Kjetil Vasby Bruarøy)
Med «fjordgløtt». (Foto: Kjetil Vasby Bruarøy)
Skisser frå 2016.
Utanfor kjem det fontener i den nye steinen som prydar Øyro. (Foto: Andris Hamre)

Det går mot innspurt på bygginga av «Osroso», Os kommune sitt glasbygg i Os sentrum.

I mars skal leigetakar Havnechefens Restaurant AS flytta inn, og når restauranten (som førebels ikkje har fått namn) opnar, blir det med servering inne, ute og på taket.

– Bygget ser ikkje så stort ut, og restauranten nede blir liten og intim med plass til 40-50 gjestar, seier dagleg leiar Reidun Vasby.

– Men alt i alt så blir det god plass, med rundt 80 kvadratmeter uterestaurant på gateplan og 100 kvadratmeter på taket. Denne takterrassen trur eg mange vil gle seg over, og vi har naturlegvis planar om å ha gode parasollar så folk kan sitja ute også om det er litt yr, eller litt for mykje sol.

Med heis og trapp

Takterrassen får tredekke, rekkverket blir i glas. Tilkomst blir med både trapp og heis.

– Trappe- og heishuset blir sånn at vi kan, og vil, låsa det av når restauranten er stengt.

– Delar av utearealet under tak blir ope for alle, mens noko av det er sett av til våre gjestar. Dette vil, blant anna grunna skjenkereglar, bli markert.

Det skal óg vera plass til at torgseljarar skal kunna stå under tak, inntil restauranten, på eige område. Dette skal administrerast av Os Sentrumsforening.

– Eg håper og trur det vil bli eit livleg område både i, utanfor og oppå bygget.

Restauranten er så langt i planane at dei snart byrjar å fotografera dei første rettane på menyen. Opningsdato er ikkje sett.

• Berit Nordstrand: – Mitt første restaurantprosjekt

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.