Fekk inn 129.000

Tysdag 8. april besøkte nær 170 konfirmantar og mange vaksne dei fleste heimane i Os med bøsser frå Kirkens Nødhjelp for innsamling av midlar til naudhjelpsarbeid.

Kyrkjeverge Gerhard August Hansen er nøgd med innsatsen til bøsseberarane og gjevarvilja til innbyggjarane.

- Takk til alle dykk som tok vel imot bøssebærarane, seier han.

Til saman fekk dei inn 129.329 kroner.

Litt meir enn i 2013

I fjor fekk konfirmantane inn 125.000 kroner, så det blei ei lita auke dette året.

- Resultatet er litt høgare enn i 2013 og vi er godt nøgd i ei tid der stadig færre har kontantar heime, seier Hansen.

Fasteaksjonen, som har blitt arrangert årleg sidan starten i 1967, gjev viktige inntekter til Kirkens Nødhjelp, som for tida er engasjert blant anna i Syria.

Fekk du ikkje besøk av bøssebærarane, men vil gje eit bidrag, kan du gå inn på fasteaksjonen.no.