Fekk løyve på brennevin og uteservering

Bildeserie:

1 av 2

17. juni kom bruksløyvet, same dag sendte iSushi søknad om serveringsløyve på den nye plattingen.

No har iSushi òg fått serveringsløyve og utvida skjenkeløyve. Restauranten har fått løyve for alkoholgruppe 2 frå klokka 11 til 2 og for gruppe 3, altså over 22 prosent, frå klokka 13 til 1.

Skjenking utandørs gjeld berre frå klokka 13 til 01.

– Vi er veldig takksame for den gode dialogen vi har hatt med kommunen og for den raske saksbehandlingstida, seier innehavar Roger Johannessen.

Han seier at kommunen ønskjer at rekkverket på uteserveringa skal vera av ein annan type, meir tett, og har bestilt glasrekkverk som blir levert over helga.

I finvêret onsdag blei terrassen møblert og testa.

Ventar litt med brennevinet

Vil du ha ein skvett sake til sushien så må du venta nokre dagar.

Å servera sterkare enn 22 prosent er nytt for iSushi Os, og Johannessen seier dette ikkje kjem i hyllene før om ei veke eller to.

– Det handlar ikkje berre om innkjøp, vi vil laga nye, interne rutinar før vi får det på menyen.

Endra rutiner for bestilling

I juli har det òg blitt lagt om korleis gjestane bestiller mat ved restauranten.

– Vi har fått fleire nyttige tilbakemeldinger, nokre har gått ut på dette med servering og ventetid. For meir effektiv drift, og for lettare å kunna ta hand om både takeaway-kundar og gjestar på same tid, er det no bestilling og betaling ved disken.

– Vi har omsett som venta dei første månadane, og loungen vår er brukt ein del til selskap for 10 til 30 personar, så vi er nøgd med starten vår på Os.

– No er det berre til å håpa på meir sol, så vi får endå meir glede av utsikta mot fjorden.