Lokal | 21. apr. 2015

Fem tilbod på E39

E39 Svegatjørn-Rådal: Statens Vegvesen opna i dag tilboda på første entreprisen. – Vi er godt nøgd med interessa og prisnivå, seier prosjektleiaren.

Fem tilbod på E39
Fem entreprenørar har levert tilbod på kontrakten K11. Her frå tilbodsbefaringa tidlegare i vinter (foto: Geir Brekke, Statens Vegvesen)
Andris Hamretirsdag 21. apr. 2015 13:11

Statens vegvesen har fått fem tilbod på gjennomføring av K11-kontrakten i samband med bygging av ny E39 Svegatjørn – Rådal. Denne kontrakten omfattar arbeid med tunnelsprenging og vegbygging på den nordlege delen av motorvegprosjektet mellom Bergen og Os, i området mellom Rådal, Nordås og Flyplassvegen i Bergen kommune.

Desse har gitt tilbod på oppdraget:
NCC 1 711 mill.kr.
Implenia 1 463 mill. kr.
Skanska 1 572 mill. kr.
Veidekke 1 651 mill. kr.
Aldeso 1 690 mill. kr.

Godt nøgde

Frist for levering av tilbod på bygging av den sørlegaste delen av anlegget, K10-kontrakten for tunnelsprenging og vegbygging mellom Svegatjørn i Os kommune og Fanavegen i Bergen kommune – er sett til 5.mai.

– Vi er godt nøgde med interessa og prisnivået, seier prosjektleiar Sverre Ottesen i Statens vegvesen.

– Vi skal no kontrollrekne tilbodssummane. Vidare skal vi vurdere om tilbydarane oppfyller gitte krav til kvalifikasjonar.

– Målet vårt er å kunne skrive under båe dei to store kontraktene på E39 Svegatjørn – Rådal i månadsskiftet juni-juli.

– Dersom vi får dette til vil, anleggsarbeidet kunne ta til kring 1.september på K11 og 1.oktober på K10, seier Ottesen.

Prosjektet har ei total styringsramme på 6,5 mrd. kr.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.