Fengsla for vald

Natt til laurdag blei ein mann pågripen, mistenkt for familievald. Sambuaren var lettare skadd og blei kjørt til legevakt for sjekk.

- I går blei mannen varetektsfengsla i fire veker, opplyser lensmann Rasmus Dalen.

Sikta, ein tilflytta mann i 40-åra, er tidlegare dømt for drap i ein annan kommune. Ifølgje Bergensavisen er han domfelt ti gongar tidlegare, i 1995 for drap på ei 33 år gamal kvinne.

Kvinna som blei drept blei knivstukken og kvalt etter ein diskusjon om EU. Mannen skal ha fått diagnosen schizofren psykose, og blei i 2003 dømt til tvungent psykisk helsevern.

Han er ikkje under tvangsbehandling no, men tar medikament i tillegg til terapi. Han skal ha vore rusa på alkohol og piller då politiet pågreip han i helga.