Fjorden slår inn over Os hamn

Bildeserie:

1 av 16

Det er sendt ut OBS-varsel for Vestlandet, med melding og kraftig vind søndag og måndag.

Vindstyrken auka frå 12 m/s søndag til 14 og 16 m/s søndag kveld, natt til måndag og måndag formiddag.

– Det ser ut til å ha godt greit i Os i natt, vi har ikkje fått inn nokre meldingar om velta tre eller andre hendingar som følgje av vêret, seier varabrannsjef Arne Monsen til Midtsiden.

Skaper vêret vanskar der du er? Tips Midtsiden på vakttelefon 97975200 - tips@midtsiden.no

Bryggene fekk bank

Midtsiden fotograferte då det klokka 09.05 i dag var full flo.

I bildeserien over ser du korleis bølgjene skvett over alle moloane og opp gjennom fleire av bryggene rundt hamna.

Brygga utanfor Vindu mot fjorden, som såg ut til å vera skadd før kulingen kom, får òg gjennomgå.

Bølgjebrytaren får testa seg

Med vindretning frå søraust står bølgjene direkte inn i Os hamn.

Det er første gong på fleire år, og første gong etter at den første av dei fire planlagde bølgjebrytarane kom på plass, at det kjem vind av denne styrken med den ugunstige vindretninga.

Melder snø og sol seinare i veka

Vinden er venta å løya i ettermiddag, og skal ned i 5-6 m/s frå klokka 18.

• Sjå detaljert vêrvarsel på Pent.no

Tysdag er det meldt sludd eller snø. Onsdag til fredag kan det koma nokre snøbyger, mens det er meldt sol og tre minus til helga.