Fleire rusa personar tatt med narkotika

Onsdag i 19-tida gjekk politiet til aksjon på ei privat adresse i Os. Bakgrunnen var mistanke om narkotika.

– Vedkomande som bur der, ein mann i 30-åra, var heime. Han framsto som rusa, fortel politioverbetjent Audun Hadler-Olsen.

Det blei funne mindre mengde kvitt pulver på adressa. Dette blir sendt til analyse og det er oppretta sak.

To tatt med hasj i sentrum

I 21-tida i går kontrollerte politiet to personar dei møtte i Os sentrum.

– Dei såg rusa ut og begge hadde hasj på seg, opplyser politiet.

Dei to, ein mann og ei kvinne, er begge i starten på 20-åra.