Fleire uhell på glatten

Onsdag ettermiddag byrja vegane i Os å bli glatte, særleg utanfor hovudvegane.

– Vi har tre bilar ute og strør, seier teknisk vakt i Os kommune.

Han kjenner til to utforkøyringar, éin hamna i grøfta i Åsen, i ein sving nær hundeskulen, ein drosje hamna utfor på Svegane.

Kjenner du til trøbbel i trafikken? Send tips/bilde på 907 89 270 eller kjetil@midtsiden.no.

Midtsiden har fått tips om utforkøyring i Industrivegen, der ein bil køyrde rett i eit gjerde ved Alutec.

I tillegg har det tydelegvis vore ein kollisjon på Ole Bulls veg, over Søvikåsen, for der står ein bulka Ford Transit i grøfta.

– Det er særleg der det er nylagt asfalt det er glatt, seier vakthavande hos Os kommune. Politiet var ikkje tilgjengeleg onsdag kveld.