Folkekyrkja i framtida

Det er med det komande valet i tankane at kyrkjelyden har invitert domprost Jan Otto Myrseth til haustens første TiTT.

På valdagen 14. september blir det bestemt kven som skal sitta i soknerådet og bispedømerådet og i den anledning blir temaet denne torsdagskvelden "Folkekyrkja i framtida".

I kyrkjevalet får alle som er ein del av folkekyrkja vera med å velja kven som som skal vera med å bestemma ulike spørsmål kyrkja skal ta stilling til.

Om ein googlar omgrepet "folkekyrkje" får ein mange treff.

– Men tyder omgrepet "ei folkeleg kyrkje", eller "ei kyrkje for alle folk"? spør kyrkjeverje Gerhard August Hansen.

– Omgrepet er også brukt i Grunnlova, men kva forstår vi med dette ordet og kva forstår kyrkja som kyrkje med dette omgrepet?

Dette er noko av det som blir diskutert i kyrkjetunet denne kvelden.

Som vanleg på TiTT blir det enkel kveldsmat, musikk, samtale og den gode moglegheita til å få meir kunnskap til vidare refleksjon.