Forsvarte tittelen

I juli i fjor vann Frode Veim Haugland 17 av 18 kampar i Arm Wars i Manchester. I helga møtte han opp som tittelforsvarar i same by, framleis med Eurosport sine kamera retta mot seg.

- Eg har visst også fått eigen fanklubb i England. Det var ein liten gjeng på tribunen med bannar, og dei gjorde mykje av seg. Dessverre fekk eg ikkje tid til å gå opp og prata med dei, fortel Frode.

Lett siger
Frode, som også er regjerande norsk og nordisk meister, hadde ikkje problem med å slo Kovacs (som har ein namnebror og medborgar som speler fotball for norske Odd Grenland).

- Vi braut seks gongar mot kvarandre og eg vann alle gongane, seier tittelforsvararen i den engelske armkrigen.

I tillegg gjekk dei seks kampar mot kvarandre med venstre arm. Her vann dei tre kvar.

Får møta verdsmeister
Neste Arm Wars er i desember, samstundes som Frode og fleire andre osingar er i VM i Las Vegas. Men Arm Wars-arrangørane vil sjå Frode i aksjon før den tid.

- Dei sa dei ville setja meg opp mot regjerande verdsmeister i vektklassen min, Janis Amolins frå Latvia. Truleg blir dette i september.