Framleis ledige plassar

Onsdag i neste veke rullar Røde Kors i gang aksjonen 100kurs - tre timars gratis førstehjelpskurs.

– I samarbeid med Ungdomslaga og Aktivitetshuset på Nore Neset gjennomfører vi sju kurs. Det blir Kurs i ungdomshusa på Søre Neset, Lysefjorden, Strøno, Hegglandsdalen og Søfteland. I tillegg blir det kurs på Nore Neset Aktivitetshus og Røde Kors Huset i Kolskogheiane, fortalde Kristian Strønen i Os Røde Kors då aksjonen blei lansert i førre veke.

Eitt fullteikna

Etter ei veke kor påmeldinga har vore open fortel Strønen om stor variasjon på interessa rundt i krinsane.

– Kurset på Søfteland er fullteikna. På Nore Neset og i Strøno er det også bra med påmeldingar og berre eit par plassar att. I Os og Søre Neset er interessa brukbar, men der har vi fleire plassar ledig.

– Når det gjeld Lysefjorden og Hegglandsdalen så er det labrare. Der er det henhaldsvis berre éin og to påmeldte.

– Eg veit ikkje kvifor det er denne variasjonen. Vi skulle gjerne hatt fleire med. Repitisjon av førstehjelpskunnskapen er noko alle treng. Plutseleg ein dag står du der og treng kunnskapet. Då er det greitt å ha det friskt i minne, påpeiker Strønen, som håper ei lita påminning vil gjera at fleire melder seg på.

– Det er berre å gå inn på 100kurs.no og velgje Os Røde Kors i lista som kjem opp. Deretter velgjer du den staden du vil gå kurset, avsluttar Strønen.