Trygve Lerch Dahl skåra fem og var viktig i forsvar. Her då BSI vitja Oshallen i forrige sesong (foto: Andris Hamre)

– Framsto som eit lag

Trass firemålstap gler trenar Alexander Heggø seg over framgangen.

Av: Andris Hamre

Handballherrene til Os fekk ein tøff start på sesongen då dei tapte med heile 27 mål, og skåra berre ti, mot Åsane i slutten av september. http://www.midtsiden.no/skara-berre-ti-mal

I søndagens kamp mot BSI borte var det tydeleg framgang å spore.

– Vi begynner litt som forrige kamp og kjem dårleg ut det første kvartet. Etter femten minutt ligg vi bak 3-11. Då gjer vi ei justering i forsvaret som gav resultat. Dei siste 45 minutta framstår vi som eit lag, seier trenar Alexander Heggø.

Til pause har Os knappa innpå og ligg berre fem mål bak.

BSI - Os 28-24
Utv: BSI 1x2 min, Os 2x2 min
Os sitt lag: Einar Godø, Trygve Lerch Dahl 5, Nils Andris Hamre 2, Mats Brunvatne 3, Isak Røen 5, Hans Brunvatne, Erik Vågen 1, Kristian Bruarøy, Kasper Lyssand Haugland, Preben Madsen 8, Ludvig Egge Drange.

Sjå tabell

Knappa innpå

Dei siste 45 minutta er Os på høgde med vertane, men lukkast ikkje heilt med å ta att forspranget.

– Vi er eit par mål bak fleire ganger. Vi kjem aleine med keeper, men bommar og får mål i mot i staden eller vi får ei utvisning som gjer at vi aldri klarar å ta dei att. Vi bommer rett og slett litt når det skal avgjerast.

Nysignerte Preben Madsen blir toppskårar for Os.

– Preben har ikkje spelt handball på halvannan år, så han treng litt meir tid, men han er på gang. Det var også godt å ha Trygve Lerch Dahl tilbake, spesielt i forsvar. Kjekt er å det også å sjå Mats Brunvatne som skårar tre. Han har blitt flinkare til å ta seg betre tid i avslutninga og har tatt nokre steg i løpet av hausten. Eg har sett det på trening også, fortel Heggø.

«Blo» tilbake mot Sogndal

Årets første heimekamp går laurdag 21. oktober mot nyopprykka Sogndal.

– Det blir ein veldig viktig kamp. Heldigvis har vi då fått med oss Joakim Blostrupmoen igjen. Eg har sakna ein venstrehendt spelar etter at Jørgen Wold gav seg, så det blir bra å få den dimensjonen å spela på også, avsluttar Os-trenaren.

Fleire saker

bilde-midtsiden

– Vi ser bra ut

20. oktober 2017

Ruben Hetlevik ventar ein jamn kamp med høgt tempo mot Brann 2.

bilde-midtsiden

Kritiserte sakshandsaminga

20. oktober 2017

Terje Sperrevik (TvS) var kritisk til korleis administrasjonen har handtert Fjellheim-saka.

bilde-midtsiden

Gapahuken er ferdig møblert

20. oktober 2017

Søndag om ei veke er det offisiell opning av det store, arkitektteikna taket ved Knutabruo.

bilde-midtsiden

Krev omkamp på Hjelle

20. oktober 2017

Oposisjonen krev utgreiing av skuletomt mellom Lyssandfabrikken og Hesthaugen.

bilde-midtsiden

Å passera tøffe hinder

20. oktober 2017

Lanserte CRUX på Vindfanget: Det er ei meining bak det nye namnet til Kirkens Sosialtjeneste.