Fredag: Ny måling av isen fire stadar

Då Os brannvesen målte isen på fleire vatn tysdag, var det berre delar av Gåsakilen i Hjellemarka på Søfteland som blei skilta som trygg eller farbar.

• Les òg: Far og son på trygg is

I dag var Midtsiden med då brannvesenet var på ny måling.

I videoruta over ser du testen på Ulvenvatnet sør.

– Tynn is og dårleg is

Etter testen på Ulvenvatnet gjekk turen vidare til andre vatn. Trass sprengskulde heile veka er det framleis berre Gåsakilen som er trygt.

– Vi har målt Ulvenvatnet nord og sør, Banktjørn og Lekvenvatnet. Ingen har trygg is enno, seier brannmeister Gitle Smaadal.

– Det som overraskar oss litt, når det no har vore 10-15 minusgradar i fleire dagar, er at det fleire stadar ligg slaps på isen. Isen er dessutan porøs fleire stadar, i tillegg til at den ikkje er tjukk nok.