Veronica og Linda etter cruising frå Er-An Veikro til Oseana. (Foto: Kjetil Vasby Bruarøy)

Frisk entré før countrykvelden

Vellykka samarbeid mellom Oseana, Er-An Veikro og Os Amcarklubb.

image
image
image
image
image
image
image
image
image
image
Av: Kjetil Vasby Bruarøy

Fredag for ei veke sidan fortalte Oseana om eit komande samarbeidsstunt før Rita Erikssen skulle hylla Eva Cassidy i Oseanasalen.

Eigen Eva Cassidy-meny på Er-an Veikro etterfølgd av transport i amcar frå Røykenes til konserten.

– På kort varsel kom det både bilførarar og middagsgjestar. Vi hadde over ti bilar, 28 «Eva Cassidy»-gjestar på ein frå før travel kveld, og 17 av desse som anten sette frå seg bilen eller kom seg til Røykenes på anna vis, for å vera med på kortesjen til Os. Det var kjempegøy! synest vegkrosjefen Linda Andersen.

Menyen besto av blant anna biff, søtpoteter og bullfighter-saus.

Stilte opp - med og utan tak

Os Amcarklubb sto først klar med ti bilar, men rett før avreise var det fleire bilførarar som meldte seg til teneste.

14 glis sto klare til avreise etter middag på Er-An.

– Det er alltid kjekt å cruisa, så lenge vi får brukt litt bensin så er vi med, seier Jarl Henning Hetleflåt frå Os Amcarklubb.

Oseana og Er-An Veikro fortel om svært nøgde passasjerar og gjestar, og rettar ei stor takk til amcarklubben!

– Noko å bygga vidare på

Veronica Søilen Halhjem frå Oseana, som tok initiativ til samarbeidet, var sjølv passasjer.

– Linda var med med éin gong, det same var amcarklubben. Det er kjekt å gjera noko ekstra ut av enkelte arrangement, og vi ventar ikkje lengre enn til neste fredag med å gjera noko saman igjen.

Billettsalet var òg bra til konserten, tidlegare på dagen fredag var salet passert 320 billettar.

Kjærleik i fokus

Neste fredag kjem Helge Jordal, Tor Endresen og Hilde Økland til Os med framsyninga «Book of love».

Før konserten kan du pleia kjærleiken med ein romantisk middag hos Er-An Veikro.

– Vi set opp ein skikkeleg amerikansk «candlelight dinner»-meny, som kokkane våre allereie er i gang med å planlegga, fortel Linda.

 

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.