Full fest i 40 telt

Søfteland Rock N LoL fekk ein varm start på sin femte festival, noko som også skaper rekord på festivalcampen Drus Kæmp.

Les òg:
Draumestart på Søfteland

– Vi opna campen klokka 13 fredag. Klokka 12.30 sto dei første klare til å rigga telt, fortel William Lindborg.

I 18.30-tida fredag kveld var det over 20 overnattingstelt rigga opp på campen. I tillegg var over 10 store partytelt på plass og fleire heldt framleis på å rigga.

SJÅ VIDEO FRÅ FØRSTE FESTIVALDAG

– Vi vil jo sjølvsagt ha flest mogleg opp til konsertane, men samstundes er det kjekt at folk har det sosialt på campen, synes William.

Alle på campen har uansett kjøpt pass, og dei fleste flyttar nok på seg mellom konsertane på festivalområde og sosiale stunder nede ved vatnet.

– Folk har sine favorittar og set nok pris på å nyta delar av festen saman med venar nede ved vatnet.

Camparane kan sjå fram til nok ein dag med fint vêr, laurdag skal det vera delvis skya og 17 gradar.

På kvelden skal det skya meir til, men det er meldt opphaldvêr fram til klokka 12 søndag.

Sjå vêrvarsel for Søfteland - time for time.