Fullt teselskap for Taus

Sjeldan har det vore eit så ungt publikum i Oseana som laurdag formiddag då Taus inviterte til «Tøysete teselskap med Taus» i Vargasalen.

På det grøne graset sat og låg ungar heilt ned i seks månaders alder. Dei fire i Taus, Kristine Bjånes, Mari Lyssand, Elin Hestenes og Beate Kvalvik klarte på imponerande vis å helde merksemda til dei små gjennom heile den vel halvtime lange framsyninga berre ved hjelp av nynning, dans og bevegelse.