Fylket løyver 10 millionar
Fylket vil styrka pendlarparkering i og rundt Bergen. Løyver 10 millionar til samarbeidsprosjekter med kommunane. Os ventar på Statens vegvesen.
I fylkestinget tysdag løyvde fleirtalet med Frp/H/V i spissen 10 millionar kroner til pendlarparkering.
– Det er ein invitasjon til samarbeid frå fylket til kommunane og eventuelt private aktørar, fortel ordførar og gruppeleiar for Frp, Terje Søviknes.
Ventar på rapport
I overordna tidlegare samanhengar har Os kommune sett på området ved Tøsdalsskiftet/UnoX som eit eigna område for pendlarparkering i Os.
– Statens Vegvesen gjorde grunnundersøkingar der oppe i sommar.
– Vi venter framleis på rapporten for å kunne berekna kostnadene for ei eventuell etablering.
– Om det blir aktuelt må vi gjennom ein reguleringsprosess då området i dag er LNF-område, forklarar Søviknes.
Ser på sentrum
I tillegg til å venta på rapporten frå vegvesenet jobbar kommunen med ein stads- og moglegheitsanalyse for Osøyro.
– I den ser vi også på eit par parkeringsløysningar på Osøyro.
– Den eine er ved grusbana på ungdomsskulen.
– Vel så interessant er kanskje den andre løysinga der vi ser på moglegheiten om å etablera eit parkeringshus oppå dagens bussterminal eller den gamle brannstasjonen.
Vil invitera til samarbeid
Stads- og moglegheitsanalysen vil bli presentert på eit utvida formannskapsmøte i midten av januar.
– Når den er ferdigbehandla, så må vi òg konkludera med parkering og ta det over i eit konkret prosjekt.
– Om vi fell ned på ei parkeringsløysing i sentrum, så vil det vera naturleg å invitera fylkeskommunen med på dette med tanke på pendlarparkering også, avsluttar Søviknes.
I det same fylkestinget blei vegmidla til Lepsøyvegen stadfesta med oppstart i 2014.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.