– Gjekk til angrep på fleire personar

Klokka 02.26 blei ein mann tatt av politiet etter urinering i Os sentrum.

– Han sto og urinerte oppetter ein bil. No kan han venta seg eit forelegg på minst 6000 kroner, seier Hans Eirik Thue, operasjonsleiar i Vest politidistrikt.

Ti minutt seinare fekk dei melding om slåstkamp utanfor drosjesentralen.

– Det viste seg å vera same person som akkurat hadde blitt tatt for urinering. Han hadde slått to menn og lugga fleire andre.

Vedkomande, ein mann i starten på 30-åra, blei køyrd til overnatting i arresten i Bergen. Han er meldt både for urineringa, for å uroa offentleg fred og orden, og for kropsskrenkelse mot fleire personar.

Avliva svane

På dagtid laurdag, klokka 13.50, fekk politiet melding om ei skadd svane.

– Den er truleg skadd av møte med ein båt, seier politiet.

Viltkontakt blei varsla og rykte ut til Lysefjorden og avliva svanen.