Lokal | 22. feb. 2017

Gjennomslag i Skogafjellet

E39: I dag blei det opning mellom Svegatjørn og Endelausmarka.

Gjennomslag i Skogafjellet
Slik såg det ut midt inne i Skogafjellstunnellen klokka 12 onsdag. No er det samanhengande tunnell frå Svegatjørn til Endelausmarka (foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 22. feb. 2017 10:51

Bildeserie:

Dei inviterte gjestene måtte venta på utsida av tunnellen då den siste salva i løpet mot Os blei fyrt av rett etter klokka 11 onsdag (foto: Kjetil Vasby Bruarøy)
Dei inviterte gjestene måtte venta på utsida av tunnellen då den siste salva i løpet mot Os blei fyrt av rett etter klokka 11 onsdag (foto: Kjetil Vasby Bruarøy)
Ordførar Marie Bruarøy (H) gav klarsignal for den siste salva (foto: Kjetil Vasby Bruarøy)
Ordførar Marie Bruarøy (H) gav klarsignal for den siste salva (foto: Kjetil Vasby Bruarøy)
1 av 2
Dei inviterte gjestene måtte venta på utsida av tunnellen då den siste salva i løpet mot Os blei fyrt av rett etter klokka 11 onsdag (foto: Kjetil Vasby Bruarøy)
Ordførar Marie Bruarøy (H) gav klarsignal for den siste salva (foto: Kjetil Vasby Bruarøy)

Onsdag 22. februar, nesten på dagen eitt år etter første salve frå Svegatjørn, blei «siste» salve skoten i det eine tunelløpet.

Vegvesenet inviterte til markering i Endelausmarka under salven som førte til første opning mellom Svegatjørn og Endelausmarka.

Skogafjellstunnelen er 1,5 km lang, i to løp. Det er tunelløpet mot Os som i dag blei opna.

Rett etter klokka 11 gav ordførar Marie Bruarøy (H) klarsignal til skytebas om å fyra av den siste salva. Knappe to minutt seinare kom det eit kraftig drønn frå holet.

Midtsiden kjem tilbake med bildeserie og video frå markeringa.

Blir ny anleggsveg

Når dagens opning er utvida og har plass til anleggstrafikk mellom Svegatjørn og Endelausmarka får Veidekke seks månadar på seg til å fjerna anleggsvegen frå Åsen (Lyseklostervegen) og inn til 1,1 km lange Endelausmarka.

• Les òg: Milepælane i 2017

I løpet av 2017 skal den komande fylkesvegen mellom Åsen og Endelausmarka (som òg skal vidare frå Åsen til Helleskaret) stå ferdig.

• Videoreportasje frå 22. januar: Sånn ser det ut i Endelausmarka

Meir arbeid i tunellen

Når det er ferdig to hol i Skogafjellet held arbeidet fram i tunellane.

– Sjølv om det skal vera farbar veg mellom Svegatjørn og Endelausmarka til ei kvar tid vil vi gå i gang med å bygga veg i tunellen.

– Det skal leggast VA og vi skal bygga vatn- og frossikring under den komande motorvegen, sa Trygve Slåke frå Veidekke til Midtsiden i januar.

Fakta om Skogafjellstunnellen

• Tunnellengde: ca 1.445 meter per løp

• Volum stein: ca 250 000 kubikk (fram til uke 7 2017)

• Tal på boltar til permanent sikring: ca 13 000 boltar (fram til veke 7, 2017)

• Første salve på T22S: 23. februar 2016, T21S: 29. februar 2016

• Geologiske forhold: Det har vore middels til godt fjell med to sonar som har krevd tung sikring og desse var kjend på førehand. Det var vatn i fjellet som medførte forinjeksjon.

Midtsiden samleside: E39 Svegatjørn-Rådal


Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.