Gojko skåra to borte mot Egersund

Det har vore ein poengfattig haust for Lysekloster, som no ligg to poeng vak Fana og den viktige 7. plassen etter fem tap på rad.

I dag leia dei 1-0 til pause borte mot Egersund på 3. plass, laget dei slo 1-0 heime i vår, men så blei det for mange baklengs.

– Når vi skårer tre mål på bortebane er det surt å ikkje ta med poeng heim, men vi kan heller ikkje rekna med poeng når vi slepp inn fem, seier Thomas Sandal etter kampen.

– Etter ein fantastisk førsteomgang er vi litt passive og gjer litt for mange personlege feil i starten på 2. omgang, dessverre.

Vertane skåra tre mål på ni minutt. Midtstoppar Gojko Ivkovic tok seg nokre raid oppover og skåra to mål, men det var ikkje nok i dag.

– Det som er gledeleg er at vi ser ut som eit lag igjen. Førsteomgang var strålande og vi har mykje å ta med oss inn i dei siste rundane.

Egersund - Lysekloster 5-3 (0-1)
Målskårarar, Lysekloster: Sebastian Holmqvist (straffe) og Gojsko Ivkovic 2.
Lysekloster: Frode Moberg Øvredal - Ola Sjømæling, Gosjko Ivkovic, Denis Ljubovic, Baste Jonassen - Oliver Kirk Larsen, Hans-Christian Nysæther, Martin Eidsvik - Ståle Steen Sæthre, Thomas Helland og Sebastian Holmqvist.
Innbytarar med speletid: Espen Birkeland, Ken-Joar Føyen og Christer Bergesen Olsen.

Baste Jonassen blei skadd i foten fem minutt ut i kampen, Kirk Larsen fekk gult kort og må sona karantene i neste kamp.

Lysekloster speler heime mot Vard Haugsund laurdag om ei veke (kl 15).

TERMINLISTE OG TABELL