Grå helg

Skal du på andeslepp i Oselvo eller på fotballkampen mellom Lysekloster og Bjarg i Lysefjorden på laurdag er det berre å kle seg godt . Det blir ei blaut, men varm helg.

Dei to vêrmeldingstenestene Yr og Storm er samde om at det kjem til å regna, men kor mykje er dei ikkje einige om.

På pent.no ser ein at Yr reknar med 17,1 mm nedbør i løpet av laurdagen, medan Storm trur på nær det doble med 30,5 mm.

Ein ting er det båe einige om. Temperaturen blir fin til i vera i slutten av september med mellom 10 og 13 grader heile helga.

Også sundagen blir nok blaut, men med litt mindre regn enn laurdag. Mellom 9,3 og 15,9 mm nedbør spår dei to vêrvarslarane.

Vinden er spådd til å vera sterkast fredag kveld og laurdag morgon med frisk bris og vind opp i 12,2 m/sek fredag kveld. Utover helga vil det løya ned i laber bris og flau vind med 1 m/sek.

Fin måndag

Er du Os-supportar slepp du heldigare unna enn Lysekloster-supporterane. Os sin kamp mot Vard Haugesund 2 på Kuventræ ser nemleg ut til å gå i opphaldsvêr og flau vind.

"Godvêret" held seg til onsdag midt på dagen, då regnet kjem tilbake.

Korleis det blir neste helg er dei to usamde om. Yr meldar regn og 12-13 varmegrader, medan Storm fortel om sol frå klår himmel, men lågare temperatur på natta og morgonen.