Henrik og Emma Noor held minikonsert i foajeen i Osbadet (pressebilete)

Gratis minikonsert i Osbadet

I vår tok Osbadet med seg hinderløypa si ned til Oseana. No kjem Oseana til Osbadet.

Av: Andris Hamre

Laurdag 30. September kan du oppleva artistane Henrik og Emma Noor i foajéen i Osbadet, når Oseana «låner» dei ut frå haustprogrammet sitt. Dei stiller med gratis minikonsert kor dei syng tre songar, før dei held full konsert i Oseana seinare på kvelden. 

– Vi synes det er kjekt å samarbeide med Oseana. Det var ei artig og fin oppleving med hinderløypa i sommar, og no blir det rett og slett gøy med artistar og musikk i foajeen vår - noko heilt anna enn det me har til vanleg, seier marknadsansvarleg ved Osbadet, Jon Sivert Rykkel entusiastisk.

– På Oseana synes vi det er viktig å ha eit samarbeid med andre aktørar i kommunen. Saman kan vi skape kulturopplevingar som gjer litt ekstra til vårt felles publikum. Og så er det jo berre kjempegøy med Jon Sivert då. Han er jo berre superentusiastisk kvar gong eg nevner noke, og ideane kjem trillande, seier marknads- og kommunikasjonsansvarleg ved Oseana, Veronica S. Halhjem i ei pressemelding.

Halv pris på bading

Ein anna ide er at alle som har kjøpt billett til konserten i Oseana, får halv pris på inngongbillettar til Osbadet denne laurdagen. 

Vi kjem også til å lodde ut to gratis billettar til konserten i Oseana i samband med konserten her oppe, men her må publikum følgje med på Facebooksida vår, avsluttar Rykkel.

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.