Gull-Sofie!

Bildeserie:

1 av 6

Først gjekk storesøster Amalie Evensen ut på skive 1 i klassa for eldre rekutt og skaut seg inn til ein sterk 5. plass. Medan storesøster sto på premiesermonien var lillesøster Sofie i sving på 100 meter banen i den yngste klassa på landsskytterstemnet.

Sofie låg på skive 14 med 249 poeng, eitt poeng bak dei fem skyttarane som hadde fylt blinken med 250 poeng i den innleiiande skytinga.

Heldt nervane under kontroll

Ungjenta heldt nervane under kontroll og prikka inn den eine 10-aren etter den andre. Heile sju av dei i sentrum!

Som for storesøstra blei det ei nervepirrande ventestund medan skivene til dei 25 skyttarane blei anvist, men det heldt heilt inn. Ingen av dei andre klarte å straffe Sofie sin serie på 10.9, 10.3, 10.8, 10.0, 10.6, 10.7, 10.2, 10.9, 10.8 og 10.7.

Med tårane rennande nedover kinnet av glede var det ikkje mykje stadionspeaker Jørn Larsen fekk ut av gull-jenta.

– Er du glad no, undra Larsen.

– Veldig, var det einaste Sofie klarte å svara, før ho innrømma at ho hadde høg puls.

Første på 45 år

Sofie Evensen er den første i Os skyttarlag som står øverst på pallen i landsskytterstemnet sidan Else Eidsvik blei prinsesse i 1970!

Fredag får ho sjansen til å gjera bragden enno større då ho skyt felt-finale frå klokka 10.

Løfta på gullstol

På premieutdelinga rett etter, ei premieutdeling som førøvrig blei leda av ein anna osing, generalløytnant Morten Haga Lunde, blei gull-Sofie bore på gullstol opp på pallen av storesøster Amalie og vinnar i eldre rekrutt, Anita Bjørkedal frå Sartor skytterlag.

I tillegg til å vinna medalje og Raufoss-pokalen gav sigeren til Sofie ei gåve til Os skyttarlag. Frå Sig Sauer fekk skyttarlaget eit nytt våpen.

– Det kan Os skyttarlag nytta til å få fram enno fleire unge dyktige skyttarar, kommenterte hovudspeaker Tor Idar Aune.