Gut (10) påkøyrd - etterlyser bil og vitne

Måndag i 19-tida blei ein gut påkøyrd på Hjelle. Politiet etterlyser førar av ein grå varebil.

Av: Kjetil Vasby Bruarøy

Måndag i 19-tida blei ein 10 år gamal gut påkøyrd i krysset mellom Borgavegen og Hjellevegen.

– Guten blei lettare skadd, opplyser politioverbetjent Audun Halder-Olsen.

Politiet ber førar av ein grå varebil melda seg. Dei er òg interesserte i å koma i kontakt med vitne.

Bilen, som køyrde vidare etter å ha råka guten, skal ha hatt ein mannleg sjåfør.