Håper på speletid i Haugesund
Mats Lepsøe herjar på Os 2, som har skåra 11 mål på 2 kampar. I kveld er han i troppen for A-laget borte mot Vard Haugesund 2.
I 5. divisjon har Lysekloster 2 og Os 2 hatt motsett start på sesongen.
Lysekloster 2 starta med to sigrar og følgte opp med to tap. Os 2 tapte to før dei vann 5-1 og 6-5.
– Det kjem til å bli litt opp og ned med andrelaget denne sesongen. Har vi nok A-lagsspelarar ledige så slår vi dei fleste, har vi ikkje så blir det ringerunde til vikarar som er heilt eller delvis utan trening, seier Tore Nielsen frå Lysekloster.
– Vi har spelt ut alle og skapt enormt med sjansar. Også borte mot Norheimsund, der vi leia 2-0 og gjekk på eit surt tap. I ein del av kampane har vi dessverre vore litt for svak i begge endane av banen. Men samla sett ser det veldig bra ut, seier Os 2-trenar Odd Jarle Hjelle.
I førre kamp, fredag borte mot Laksevåg, snudde dei 5-3 (etter to straffar imot) til siger 5-6.
Kaptein Mats viser veg
Hjelle seier at suksessfaktoren for Os 2 har vore høgt tempo, overtalsspel og stor sjanseproduksjon, spesielt på innlegg.
– I enkelte kampar har vi hatt med 7-8 frå A-stallen, i andre éin til to. Ein stor del av laget vårt består av 98-årgangen, som er førsteårs junior, og dei speler fint i lag.
To frå A-stallen som har spelt mykje med andrelaget er Mats Lepsøe og Joakim Hovden.
– Dei har vore viktige og dei speler veldig fint saman med ungdomen. Mats er kaptein, har skåra to mål i begge dei siste kampane, den siste som midtstoppar, der han sette inn dei to siste. Eg får veldig fine tilbakemeldingar på Mats frå ungdomane.
– Vurderte å trappa ned
Sjølv fortel Mats at han for ei stund sidan vurderte å trappa litt ned med fotball.
– Det er litt uvant når eg spelte så mykje med A-laget i fjor, og konkurransen på midtbanen er hardare.
– Men så bestemte eg meg for å gje gass og halda trøkket oppe på trening. Eg trivst godt saman med den fine juniorgruppa og vil halda fram med å gjera mitt beste der og samtidig kjempa om speletid i 3. divisjon, seier Mats.
Måndag kveld speler både Os og Lysekloster sine A-lag borte, Lysekloster mot Fyllingsdalen 2, Os mot Vard Haugesund 2.
– Eg er med i troppen og håper eg får meg nokre minutt med A-laget i Haugesund, seier Lepsøe.
Onsdag kveld speler både Os 2 og Lysekloster 2 på heimebane.
Terminliste og tabell, 5. div. avd. 1 Hordaland.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.