Har du sett Foxy?

Eigar etterlyser ein 4,5 månadar gamal rottweiler-blaningshund etter at ho stakk frå Os sentrum i 8-tida fredag morgon.

– Ho kom seg laus frå selen ved COOP Prix og er sist sett, så vidt eg kjenner til, ved brua frå Landboden til Finnebrekka/Borgavegen, seier eigar.

Mora til hunden kjem frå dette nabolaget, men kvalpen er fredag ettermiddag framleis ikkje funnen.

Både politiet og Fant er varsla.

OPPDATERT: Hunden blei funnen laurdag, og var i fin form. Den blei funnen i Stegen, ikkje langt frå Prix, der ho forsvann fredag morgon.

– Eg er evig takkasam for alle som var ute og leitte. Ho som tok hunden heim til meg køyrde gjennom Stegen på veg til jobb, for å sjå etter Foxy, og der møtte ho ein mann som sto med Foxy i band, fortel eigar.