Har etablert seg i toppen

Rosesongen er godt i gang. Dei to siste helgane i mai har det vore Noregscupstemne på Årungen rostadion utanfor Oslo.

- Første helga deltok Os roklubb med fire roarar i 15-16 årsklassa og to i 17-18 årsklassa.

- Sist helg stilte vi med tre roarar, fortel rotrenar Audun Hadler-Olsen.

I den yngste klassa stilte Sebastian Bjørgo Haarvei, Gøran Nordberg Opdal, Arne Hadler-Olsen og Mattias Haugland, medan Thorbjørn Sperrevik Hansen og Amund Bjørnevik rodde blant dei eldste. Dei tre som var med sist helg var Arne Hadler-Olsen, Mattias Haugland og Thorbjørn Sperrevik Hansen.

Har etablert seg

Spesielt imponerte unggutane Arne Hadler-Olsen og Mattias Haugland.

- Dei har båe etablert seg i noregstoppen i si årsklasse.

- I konkurranse med omlag 100 andre roarar kjempa dei seg til fleire medaljar i singelsculler, fortel rotrenaren.

I tillegg sat dei i dobbelfiraren som gjekk til topps båe helgene.

Helga 9.-10. juni er det ungdomsmeisterskap på Ulvenvatnet. Stemnet har Noregscup-status.