Jonathan Dyrstad og Daniel Askvik selte svært godt på Dra til Sjøs på Sotra i februar. (Foto: Kjetil Vasby Bruarøy)

Har passert halve 2016-omsetnaden allereie

Askeladden-forhandlaren i Askvik har fått ein knallstart på året. No reiser dei til messa på Lillestrøm for å hjelpa til.

image
image
image
Av: Kjetil Vasby Bruarøy

Askeladden Boats AS auka frå 83 til 109 millionar kroner i omsetnad frå 2014 til 2015, og fekk med eit driftsresultat på 3,9 millionar sitt første år i pluss sidan omstarten etter konkursen i 2008.

2016 blei eit endå betre år, og no har 2017 også starta bra.

– For fabrikken sin del så ligg vi omtrent som i fjor, men der er produksjon og leveringsdato viktige faktorar sm kan variera noko uavhengig av marknaden her heime.

– For butikken vår i Askvik sin del er det lettare å sjå at den positive trenden held fram. Messa Dra til Sjøs auka publikumstalet frå 10.000 til over 11.000, og vi var blant fleire som selte godt.

• Sjå bildeserie frå Dra til Sjøs

– Vêret blir viktig i tida som kjem

Forhandlaren i Askvik har allereie passert halve 2016-omsetnaden.

– Sesongen er breiare enn før, folk kjøper båt heile året. Men i tida vi no går inn i, vår og forsommar, ser vi at vêret har mykje å seia. Blir det fint vêr rundt påske så er det fleire som vil ha båt i år. Med den starten vi har hatt ser 2017 uansett ut til å bli like god som 2016.

God mottaking for fire nye

Askeladden lanserte rekordmange fire nye båtar på messa på Sotra; Askeladden C65 Bow Rider, C65 Center Console, C76 Cruiser TSI og C76 Center Cabin TSI.

– Desse selte bra. Det var kjekt å sjå at også Pilot House-båtane held stand, vi hadde ekstra bra omsetnad av desse meir typiske heilårsbåtane.

Til Lillestrøm for å rigga

Onsdag 22. mars opnar Noregs største båtmesse, Sjøen for Alle i Norges Varemesse.

– Eg og Torry Drange reiser bort i morgon for å hjelpa til å rigga. Også Henrik (Askvik) kjem bort og skal vera på stand under heile messa, fortel Jonathan.

Dei tre vestlendingane reiser bort for å representera fabrikken - og for å hjelpa forhandlarane på Austlandet.

 

Fleire saker

bilde-midtsiden

Full fres på Kuventræ

27. mai 2017

Bildeserie: Strålande innsats i strålande vêr når Os Friidrett arrangerer Friidrettens dag på Kuventræ laurdag.

bilde-midtsiden

Innbrot og funn av narkotika

27. mai 2017

Politiet gjorde funn under ransaking på dagtid laurdag. Så var dei på undersøking i ein leiligheit i Strøno, der nokon hadde tatt seg inn og stole...

bilde-midtsiden

Nytt styre i Osfest

27. mai 2017

Jan Kristian Rokne, Øyvind Blindheim og Jan Vidar Alnes går inn i styret for Osfest. – Vi vil vera med å byggje festivalen vidare, seier dei tre...

bilde-midtsiden

Vårkonsert med urframføring

27. mai 2017

Kyriake med band framfører ein heilt ny salme av Norvald Johan Kobbeltvedt når dei syng i Nore Neset kyrkje søndag kveld.

bilde-midtsiden

Kos på Os

26. mai 2017

Bildeserie: Vel 300 stilte då Undercover og Os sentrum inviterte til torgfest på Øyro fredag. Det blei ein suksess.

bilde-midtsiden

Tidleg start på årets Friluftsskule

26. mai 2017

Rapellering, padling og tenning av bål - årets Friluftsskule har fokus på padling og sjøliv, og blir arrangert over ein månad tidlegare enn i fjor...

bilde-midtsiden

Mistenkte ruskøyring

26. mai 2017

Ein mann i 40-åra mistenkt for å ha køyrd bil i rusa tilstand i Hagavik torsdag ettermiddag.

bilde-midtsiden

Følte seg bondefanga

26. mai 2017

Politikarane sa ja til oppstart av reguleringsplanen for Hjelle skule, men var ikkje spesielt glade for å ta landbruksarealet.