Hattrick av Christer Olsen

Bildeserie:

1 av 6

Lysekloster slo botnlaget Fyllingsdalen 2 3-4 borte i vår og 4-0 heime i dag.

Christer Olsen, som gjekk frå Os til Lysekloster i sommar, sette inn dei tre første.

– Det er konkurranse om plassane og det er samtidig litt avlasting når andre speler. Eg føler formen er veldig god, seier Christer, som blei byta ut i 66. minutt, etter tre nettkjenningar.

Olsen skåra åtte for Os før han skifta klubb. I dag sette han inn sitt andre, tredje og fjerde for Lysekloster.

Lysekloster - Fyllingsdalen 2 4-0 (2-0)
Målskårarar: Christer Olsen 3 og Baste Jonassen
Lysekloster: Chris Sunde Midtun, Gojko Ivkovic - Baste Jonassen, Ola Sjømæling (Øystein Takle Eide frå 53.), Aleksander Andersen - Ståle Steen Sæthre (Joakim Hjelmeland frå 72.), Preben Skorpen, Sindre Hitland Flaa - Sigve Rørstad, Tommy Gaustad og Christer Olsen (Thomas Helland frå 60.).

Olsen heada inn eit innlegg til 1-0 i 20. minutt og auka til 2-0 då han blei spelt gjennom 6 minutt seinare.

Fire minutt etter pause såg det ut som om den gode keeperen til Fyllingsdalen 2 skulle få kontroll då han storma ut for å ta ein høg ball, men Olsen hadde perfekt timing då han hoppa opp og nikka ballen forbi og heile vegen inn i mål.

Andre omgang blei noko jamnare enn den andre, med blant anna ei dobbeltredning av Chris Sunde Midtun, som heldt nullen i tredje kamp på rad, gjorde at Lysekloster kunne ta ein solid siger.

Fleire sjansar

Preben Skorpen sendte Fyllingsdalen-keeper Bartosz Deregowski ut i horisontalen to gongar etter pause, først på eit hardt og godt skot med venstre som så vidt blei slått til corner, så då han nikka eit innlegg av Helland i bakken og mot tverrliggar, men då frå offside-posisjon.

4-0 kom då den same Skorpen heada ein ball vidare forbi forsvaret mot lengste stolpe. Flaa såg ut til å vera på ballen, men det skal ha vore Jonassen som fekk den avgjerande siste-touchen i 78. minutt.

Framleis på topp

Lysekloster kom seg med det gjennom også 18. runde utan tap, og tronar framleis på topp med 46 poeng.

Tabelltoar Sotra speler heime mot Tertnes i morgon.

Lysekloster speler neste kamp borte mot Arna-Bjørnar.

SJÅ TABELL