Hattrick av Kanestrøm

Bildeserie:

1 av 8

Bjarg vann 5-3 på eigen bane i vår og Os var, i tillegg til revansje, svolten på heimesiger.

Os sto utan heimetap fram til 10. kamp på Kuventræ 17. august. 1-2 for Lyngbø blei følgt opp med 4-5-tap for Fyllingsdalen 2, men i dag blei det full pott.

Os - Bjarg 3-1 (0-0)
Målskårar, Os: Erik Kanestrøm - ekte hattrick! Søvik reduserte til 3-1 på overtod.
Gule kort, Os: Joakim Hovden og Erik Kanestrøm

Os (4-3-3): Frode Øvredal - Torkel Hjertnes, Børge Borgen, Emilis Zilinskas, Glenn Krossøy - Mats Lepsøe (Håkon Kvittingen), Stian Lunde, Erik Kanestrøm - Ørjan Glesnes (Adrian Valle), Joakim Hovden (Knut Spangelo Haga) og Christer Olsen.

Os starta best og var nær på å ta leiinga i første speleminutt. Eit innlegg av Hovden gjekk i tverrliggar og ut, blei skoten på innsida av tverrliggar igjen (eller var den på innsida, i måltaket?), gjekk ut og blei slått til corner.

Bjarg hadde eit godt forsøk i 6. minutt, eit skot frå skrått hald som streifa lengste stolpe på veg ut.

Store delar av omgangen var jamn, men Os hadde eit visst overtak før pause.

To straffespark til Os

Heimelaget hadde ein knallopning på 2. omgang med frispark nær mål i 46. minutt og corner både i 50. og 53. minutt.

Så, i 54. minutt, var Kanestrøm innanfor 16-meteren og prøvde å legga inn, men innlegget gjekk i handa på ein Bjarg-forsvarar og det blei dømt straffe.

Tre minutt seinare var det Christer Olsen som lagde straffe, då han blei halden igjen/felt av keeper.

Kanestrøm sette inn både 1-0 og 2-0 frå 11-metersmerket.

Krossøy serverte til hattrick

Etter 25 minutt nærmast med einvegskjøring kom Bjarg med i kampen ein periode.

Men i 75. minutt kom Glenn Krossøy på overlapp på venstrekanten, dribla to Bjarg-forsvararar før han tok tunnel på den tredje og sendte ballen, rett framfor tåa til keeper, 45 gradar ut til Kanestrøm som enkelt sette inn sitt tredje på rad.

Utvising og redusering

I 83. minutt, etter felling av Knut Spangelo Haga og frispark til Os, kjefta Bjarg-spelar Skulstad på seg sitt andre gule kort.

Minuttet før hadde Kanestrøm sparka vekk ballen, blitt skubba, skubba igjen og fått gult kort.

Éin mann mindre hindra ikkje Bjarg i å kjempa til siste slutt, og på overtid blei ein av gjestane felt utanfor hjørnet på 16-meteren.

Søvik på Bjarg sette frisparket på første stolpe. Frode Øvredal missa og Bjarg fekk litt trøyst til heimturen.

• Med dagens siger klatra Os forbi Bjarg og ligg no på 4. plass.

• Neste kamp er borte mot serieleiar Odda.

SJÅ TABELL