Heilt Texas på Nore Neset

– Det er første gong vi har fått klagar etter premieren. Folk sa dei hadde vondt i kjakane etter å ha ledd så mykje.

– Det er også første gong vi har hatt 150 på premiere, og laurdag var det smikkfullt med godt over 200 i salen, fortel Susan Askvik frå revygruppa Nor og Ne'.

Morosam på Midtsiden sin kostnad

Årets show, «Heilt på kanten», hauster mykje ros rundtom i bygda. Midtsiden var på øving med revygruppa, men er ikkje sikker på om vi tør gå på showet.

– Ha, ha! Midtsiden får mykje plass i showet, det var ein knakande god sketsj, ler Ingrid Netland, lokalpolitikar og publikum på Nore Neset i helga.

– Eg hadde med meg bror min, som ikkje er frå Os, så eg var litt spent. Men vi lo frå start til slutt, det var hysterisk vittig frå første sekund!

Ny fullsett helg i Symrasalen?

Etter rekordstarten i helga og god respons frå publikum ser det ut til å bli to gode show også komande helg.

– Vi har godt sal til helga, men det er framleis billettar igjen.

– Men laurdagen blir nok utselt om ikkje så lenge, trur Susan.