Heiltent før seriestart
I dag startar serien for Lysekloster og Os. Birkelund og Berge har plukka troppar frå nærmast skadefrie stallar.
Måndag 2. påskedag er seriestart for 3. divisjon avdeling 7.
Alle laga bortsett frå Fyllingsdalen 2 - Vard Haugesund 2 og Haugesund 2 - Vadmyra speler første runde i dag.
Lysekloster tar imot Øystese på heimebane frå klokka 16, Os speler borte mot Varegg frå klokka 17.
Terminliste og tabell, 3. div. avd. 7.
– Blir truleg underhaldande
Øystese leia 2-0 og 3-1 og vann til slutt 3-2 då dei i fjor slo Lysekloster ut av NM.
Men i serien var Lysekloster starkast, og vann 2-0 heime og 3-2 borte.
– Øystese speler litt likt som oss. Eg håper det bølgjer mindre i år, at vi er meir tydeleg betre enn Øystese, og eg trur uansett det blir ein underhaldande kamp for dei som vil avslutta påsken med å sjå fotballkamp, seier Lysekloster-trenar Torbjørn Birkelund.
Bortsett frå dei langtidsskadde spelarane må han klara seg utan Matthias Høiland, som tråkka over på trening i påsken.
– Men vi har aldri vore fleire på trening enn no, og i påsken har det vore høgt tempo og veldig god intenistet. Vi er klare! seier Birkelund.
Tettpakka veke for Os
A-laget speler borte mot Varegg måndag, heime i NM mot Vard Haugesund torsdag og heime i serien mot Lysekloster søndag.
Os 2 startar serien heime onsdag og speler andre runde borte på laurdag.
– Alle er friske bortsett frå Christer Olsen, som har fått halsbetennelse, og Fredrik Heggeland, som skadde seg på treningsleiren, fortel Os-trenar Jørn Vegard Berge.
Også Os-trenaren fortel om god førebuing og full trøkk i innspurten til seriestarten.
Heimekampar for andrelaga
– Dei er veldig tent no, og det er bra, for dette blir ei hektisk og viktig veke for oss.
Både Os 2 og Lysekloster 2 startar serien med heimekampar onsdag klokka 20.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.