Henta med luftambulanse etter arbeidsuhell

Måndag i 12.30-tida kom det melding om eit arbeidsuhell i Industrivegen.

Ein mann hadde klemt fast handa i ei maskin. Politi, ambulanse og brannvesen rykte ut til staden, og det gjekk noko tid å få handa laus.

Ulykka har skjedd innandørs, hos bedrifta Sibi.

– Han er no frigjort og på veg i luftambulansen, seier varabrannsjef Arne Monsen.

Politiet melder via Twitter at mannen er alvorleg skadd i ei hand, og at han no er på veg til Haukeland med helikopter.