Her er fyrverkeriet som gjekk i lufta i går

Også årets bryggedans på Os Sjøfront blei ein folksam suksess – runda av med fyrverkeri frå Os' mest eksplosive søner, brørne Ole Marius og Fredrik Røttingen frå Pro Pyro.

– Det gjekk tre timar å slepa flåten frå Øyane til Os, fortel Ole Marius, før han viser røyr frå røyr mellom eit spagghetti-nettverk av tynne leidningar.

– Alt blir fjernstyrt og er kopla elektronisk. Om noko går gale, eller om vi vil hoppa over delar av fyrverkeriet, kan vi enkelt styra det frå båten.

Smell til 30.000

Årets bestilling var noko redusert, frå 40.000 kroner etter bryggedansen i fjor til 30.000 kroner i år.

– Då får ein del krut for 30.000 òg?

– Det er frå 30.000 og oppover det verkeleg byrjar å bli gøy, men ja, det blir litt meir enn ei nyttårsaftan heime i hagen, seier Røttingen.

Sjå òg: Video frå fyrverkeriet under bryggedansen i fjor, nyttårsaftan i Øyane i ved inngangen på 2015 og 2013, der privat spleiselag får Pro Pyro til å skyta opp år etter år.