Sport | 14. mars 2017

Hjertnes og Kloven (!) i trening igjen

Dagen før avreise til Kypros såg det ut som om Hassan har henta inn rutinerte erstattarar til dei mange skadde i Os-stallen.

Hjertnes og Kloven (!) i trening igjen
Torkel Hjertnes og Anders Kloven varma opp saman på Kuventræ i går. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 14. mars 2017 09:15

Bildeserie:

Torkel Hjertnes heime i 6-2-siger over Bjarg i siste heimekamp i fjor. (Foto: Kjetil Vasby Bruarøy)
Torkel Hjertnes heime i 6-2-siger over Bjarg i siste heimekamp i fjor. (Foto: Kjetil Vasby Bruarøy)
Anders Kloven i innmarsj til siste heimekamp i 2013. (Foto: Kjetil Vasby Bruarøy)
Anders Kloven i innmarsj til siste heimekamp i 2013. (Foto: Kjetil Vasby Bruarøy)
1 av 2
Torkel Hjertnes heime i 6-2-siger over Bjarg i siste heimekamp i fjor. (Foto: Kjetil Vasby Bruarøy)
Anders Kloven i innmarsj til siste heimekamp i 2013. (Foto: Kjetil Vasby Bruarøy)

I dag tidleg sette stallen til både Os og Os 2 seg på flyet til Kypros, via London, for ei veke med treningsleir i 16-18 varmegradar og sol.

Måndag kveld var to veteranar i trening med A-laget, midtstoppar og tidlegare kaptein Torkel Hjertnes, som i utgangspunktet gav seg etter sesongslutt i fjor, og keeper Anders Kloven, som la opp i 2013.

– Ikkje gjer for mykje ut av dette, eg er berre innom for å sjå om kroppen fungerer, seier Kloven.

Med unntak av nokre treningsøkter (men ingen kampar) med Nore Neset i fjor, har han ikkje trent fotball på over tre år.

Os har slite med skadar, ikkje minst i keeper-rekkene, og har invitert Kloven på trening.

• Les òg: Fleire usikre keeper-kort på Kuventræ

Brå slutt i 2013

Keeperen, som er same årgang som Stian Lunde (1982), har blant anna spelt den sterke NM-kampen mot Vålerenga i 2004 (Os leia to gongar, men tapte 2-3).

Han sto mot Hovding i opprykkskampane i 2006, var vekke på reise i opprykkssesongen 2009, men bytte med Halvard Enes på å spela i 2. divisjon og 3. divisjon for Os fram til han la opp hausten 2013.

I motsetnad til fleire andre blei det ingen gradvis nedtrapping i lågare divisjonar for Kloven, med travel jobb og stifting av familie kutta han fotballen heilt ut.

– Førebels kjennes det greit ut, men det er mykje som skal på plass av teknikk og tempo før det er noko hjelp i meg, seier Anders til Midtsiden etter treningsøkta med keepertrenar Vidar Bahus måndag kveld.

Kloven sit ikkje på flyet til Kypros i dag, men trener vidare med Os når dei er tilbake.

Hjertnes blir med

Seks år yngre Torkel Hjertnes, som vurderte å gje seg før 2016-sesongen, blei saman med Stian Lunde med i eitt år til.

Dei to tidlegare kapteinane var begge tydelege på at ved sesongslutt i haust var det slutt.

I går var Torkel si første trening på Kuventræ sidan oktober 2016.

– Eg blei kontakta av Endre Brenne onsdag. Torsdag hadde vi møte, fredag takka eg ja. Dette dukka opp då Preben Skorpen braut foten. Eg har sett situasjonen dei er i og synest det er tungt å seia nei når klubben ber om hjelp.

• Les òg: Nok ein Os-spelar på krykker

Torkel har trent lite fotball i vinter. Det har blitt cirka to økter med Søfteland og fem med Nore Neset. I utgangspunktet skulle han gje svar til ein av klubbane i førre veke, kven av dei han ville spela for i år, i staden blir det Os og Regionsligaen.

– Eg hadde uansett tenkt at eg kunne gå på lån til ein av dei to 5. divisjonsklubbane, i tilfelle Os skulle ha behov for meg. Eg har trent ein del i vinter, men lite fotball, så no må eg bruka den siste månaden godt så eg kjem i form igjen.

Hjertnes jobbar for MX Sport, der medeigar og sjef Jan Frode Skeie også er sportsleg leiar i Os Fotball. Dermed blei det ikkje vanskeleg å få fri på kort varsel for å reisa på treningsleir.

– Eg ser fram til turen, og til å spela i Regionsserien, med tøffare motstand og fleire nye lag å spela mot, blir det nok ein spennande sesong.

Tar franskmann med til Kypros

Os reiser til Kypros med godkjenlse etter 2-0-siger over Bjarg i treningskamp laurdag. Dei yngre spelarane har klart seg godt, men Os må vera varsame å ikkje slita desse ut mens fleire eldre er ute med skade.

– Det har vore ein forferdeleg skadesituasjon i vinter! Det starta dårleg og blei endå verre. Eg er glad for at Hjertnes og Kloven har takka ja til å koma på trening, og til å vera med og hjelpa der det blir behov, seier Hassan El Fakiri.

– Fleire av dei som har vore skadd er heldigvis på veg tilbake og ser ut til å bli klare til april. Dette gjeld både Marius Mikkelsen, Erik Kanestrøm, Endre Brenne, Rafael Villén, Christoffer Hafsås og Enrique Søvik.

– Vi ser likevel etter eit par spelarar til. Vi har hatt to utlendingar på prøvespel no nyleg, begge har vore bra. Éin av dei ser førebels ut til å vurdera eit anna tilbod framfor vårt, mens vi har ein offensiv franskmann med oss til Kypros for å bli betre kjent med han.

Seriestart er heime mot Spjelkavik laurdag 15. april, men allereie laurdag 25. mars er første teljande kamp, NM-kvalik heime mot Odda.

TERMINLISTE OG TABELL


Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.