Høg flo, inga problem

Bildeserie:

1 av 7

Om det var den rekordhøge vannstanden som gjorde at ubåten KNM Uredd fann det passande å vitja det ytre hamnebassenget i Os hamn tysdag skal vera usagt.

Tysdag formiddag skulle nemleg floa vera på det høgste så langt i februar. Heile 168 cm høgre enn sjøkartnull blei observert då klokka passerte 10.50 i formiddag. I tillegg blei det målt ei vassføring i Osvassdraget ved målestasjonen på Røykenes på vel 12 kubikkmeter per sekund.

Trass den høge vannstanden, og mykje vatn i elva var det lite problem å observera i hamna. Ein snill vind gjorde at «fontenene» ein vanlegvis kan sjå stå opp gjennom gjestebrygga var skuffande små.

Prognosane i tidevatnstabellen tydar på at tysdag formiddag var den høgste vannstanden vi skal oppleva denne veka. Ved neste flo klokka 23 i kveld vil den truleg vera 155 cm over sjøkartnullen før den held fram med å synka vidare utover i veka.

Her kan du følgje prognosene for tidevatnet.