I ferd med å retta feilen

Bildeserie:

1 av 5

Søndag morgon gjekk alarmen grunna trykkfall i Os Vassverk, i 9-tida blei lekkasjen lokalisert til Gymnasvegen.

– Leidningen låg djupt nede, seier John Arthur Solberg, ein av dei tilsette i Bergen Vann som har vore på plassen sidan søndag formiddag.

Fire-fem meter under bakkenivå fann maskinførar Geir Fagerthun den skadde leidningen og i 22-tida blei den kappa av.

Blir ferdig i natt

– Eg tippar vi har sett inn nytt rør litt over midnatt, seier Morten Hjelm.

– Då tømer vi klor i røret og spyler ut sånn at det går reint vatn ut til abonnentane når alt er klart. Går prosessen fint så har dei truleg vatn måndag morgon, men dei får følgja med på kommunen sine heimesider før dei bruker vatnet.

Hamna på vassvogna

Nabolaget Furulunden har vore utan vatn sidan leidningsbrotet søndag morgon, men har blitt supplert med ei vassvogn på 1000 liter.

Fleire hus var utan vatn før feilen blei funnen og kranen i Gymnasvegen stengt. I ettertid oppsto ein feil i ei pumpe på Hjelle, ein feil Bergen Vann også har jobba med å retta.