Sport | 16. apr. 2016

I gang med bane nummer to

Vestafjell i gang med masseutskifting mellom fotballbanen og ungdomsskulen for etablering av bane nummer to på Nore Neset. Går alt etter planen står den ferdig til 2017-sesongen.

I gang med bane nummer to
Fredag var Vestafjell kome godt i gang med arbeidet (foto: Jan Erik Døsen)
Andris Hamrelørdag 16. apr. 2016 11:12

Bildeserie:

På dette området skal den nye banen koma (foto: Andris Hamre)
På dette området skal den nye banen koma (foto: Andris Hamre)
Banen kjem mellom den gamle banen og ungdomsskulen (foto: Jan Erik Døsen)
Banen kjem mellom den gamle banen og ungdomsskulen (foto: Jan Erik Døsen)
Banen blir eit godt supplement til idretten på Nore Neset (foto: Jan Erik Døsen)
Banen blir eit godt supplement til idretten på Nore Neset (foto: Jan Erik Døsen)
1 av 3
På dette området skal den nye banen koma (foto: Andris Hamre)
Banen kjem mellom den gamle banen og ungdomsskulen (foto: Jan Erik Døsen)
Banen blir eit godt supplement til idretten på Nore Neset (foto: Jan Erik Døsen)

Det var ein merkedag for fotballfolket på Nore Neset då Vestafjell starta med masseutskiftinga onsdag.

– Går alt som vi planlegg og håper på, så skal banen stå ferdig til 2017-sesongen. Finansieringa for masseutskiftinga er på plass, men vi mangler enno noko på den totale finansieringa, fortel Jan Erik Døsen, leiar i fotballgruppa til Nore Neset Idrettslag.

Stein frå OHARA

Området ein no skiftar ut massene i er stort sett myr.

– Det er mykje masser som skal skiftast. Steinen som blir nytta kjem frå tunellspreninga på OHARA-prosjektet.

– Saman med Vestafjell har vi lagt eit løp der vi siktar mot å vera ferdig med den jobben til ferien, om ikkje ein støter på uforutsette ting på OHARA som gjer at det blir forseinkingar.

– Det blir òg spennande å sjå kor blautt det eigentleg er i myra. Vi har boneteringsrapporter, så vi har nokre indikasjonar, men ein veit aldri om det dukkar opp uforutsette ting i botn av myra, seier Døsen.

Nytt garderobeanlegg

Når massene er skifta vil idrettslaget støpe fundament for lysmaster, ballfangernett og gjerder.

– Vi har eigentleg to parallelle prosjekt gåande. I tillegg til å byggje bane nummer to skal vi bygge eit nytt garderobeanlegg mellom dei to fotballbanene. Då vil vi få to fulle baner og dobbelt sett med garderober, eitt i Nore Neset Aktivitetshus og eitt i garderobebygget mellom banene, forklarar Døsen.

Jobbar med sluttfinansieringa

Det totale budsjettet for banen er på 8,5 millionar kroner inklusive meirverdiavgift.

– Finansieringa er lagt opp med spelemidler, kommunal støtte, låneopptak og sponsorstøtte.

– Vi har satt ned ei sponsorgruppe som vil jobba med å kontakte bedrifter og med andelssal til privatpersonar i dei krinsane vi har spelarar frå. Det er på mange måter finansieringa som styrer framdrifta, men vi jobbar på utover våren og håper vi skal få sluttfinansieringa på plass, avslutter Jan Erik Døsen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.