I kongeleg hageselskap

Kong Harald og Dronning Sonja feirer 25 år på trona med å reise med Kongeskipet langs kysten. På alle stadene dei har vore har dei invitert "vanlege" folk frå kommunane i fylket dei vitja til stasleg hageselskap.

Laurdag var kongefamilien i Bergen og inviterte til hageselskap på Gamlehaugen.

Ein god time før selskapet skulle ta til møtte Midtsiden ein spent gjeng osingar klare for avreise mot byen.

– Ja, eg er spent, fortalde ein sitrande Erling Mortensen, som fekk ein ekstra feiring av sin eigen bursdag frå dagen før med hageselskapet.

– Det er stas. Eg blei kjempeglad då eg blei invitert, smilte frivilliggeneral Tove Hille, som hadde lakka neglane i Os-oransje og kjøpt ny veske i same farge.

– Du veit Os inspirerar, lo Hille før dei ni steig ombord i bussen som skulle frakte dei til byen.

Rapportane frå selskapet tyder på at dei hadde ein triveleg ettermiddag i kongeleg selskap.