I mål etter 19 effektive timar

Bildeserie:

1 av 5

– Vi bomma nokre gongar på løypa og terrenget var langt meir krevjande enn venta, seier Klas Færøvik.

Saman med ørkenløpar Ole Norstad har han løpt frå Modalen til Voss. Turen blei langt frå like tørr som Ole er vant med.

– Det blei fleire mil i snø og endå fleire mil i myr og gjørme, sa Klas ein halvtime før ankomst i sivilisasjonen i Voss kommune. Dei to jogga til Vinje for å få seg kvar si kald cola.

19 effektive timar

Turen starta for to døgn sidan og dei hadde sett av tre døgn til løpet i Stølsheimen.

I løpet av dei to døgna har det blitt 19 effektive timar med løping.

Ruta gjekk via Skavlabu, Vardalsbu, Nordalshytten, Solrenningen, Åsebø, Selhammar og Torvedalshytta.

Turen starta i Modalen og enda på Engjaland.

6000 høgdemeter

Ikkje berre har dei lagt bak seg 110 kilometer, 6000 høgdemeter er forsert.

– Det blei ei fin naturoppleving, men tøffare enn vi trudde.