Lokal | 05. juli 2017

I morgon går første salve

Ny fleirbrukshall på Kuventræ: Torsdag starter grunnarbeida på den nye doble idrettshallen.

I morgon går første salve
Entreprenøren er på veg inn med maskiner. Truleg blir den første salva for å legga til rette for hallen skoten torsdag (foto: Andris Hamre)
Andris Hamreonsdag 05. juli 2017 13:18

Bildeserie:

Denne haugen skal vekk, saman med parkeringsplassen kor det skal gravast ned, slik at ein får parkering i kjellaren (foto: AH)
Denne haugen skal vekk, saman med parkeringsplassen kor det skal gravast ned, slik at ein får parkering i kjellaren (foto: AH)
Gjerde mot Oshallen og Osbadet er satt opp for å sikra besøkande (foto: AH)
Gjerde mot Oshallen og Osbadet er satt opp for å sikra besøkande (foto: AH)
Idrettsvegen er lagt om for å få plass til nyehallen (foto: AH)
Idrettsvegen er lagt om for å få plass til nyehallen (foto: AH)
Taket over inngangspartiet skal hevast til same høgd som taket på dagens hall (foto: AH)
Taket over inngangspartiet skal hevast til same høgd som taket på dagens hall (foto: AH)
Desse trea skal fjernast for å gje plass til brakkeriggen til entreprenøren (foto: AH)
Desse trea skal fjernast for å gje plass til brakkeriggen til entreprenøren (foto: AH)
1 av 5
Denne haugen skal vekk, saman med parkeringsplassen kor det skal gravast ned, slik at ein får parkering i kjellaren (foto: AH)
Gjerde mot Oshallen og Osbadet er satt opp for å sikra besøkande (foto: AH)
Idrettsvegen er lagt om for å få plass til nyehallen (foto: AH)
Taket over inngangspartiet skal hevast til same høgd som taket på dagens hall (foto: AH)
Desse trea skal fjernast for å gje plass til brakkeriggen til entreprenøren (foto: AH)

Kommunen fekk i slutten av juni idrettsfunksjonell førehandsgodkjenning frå kulturdepartementet for den doble idrettshallen på Kuventræ.

Denne veka rykka Consto, som er utførande entreprenør inn med mannskap og maskiner.

– Dei har sagt at den første salva skyt dei i morgon torsdag, fortel leiar i Osbadet, Torbjørg Brattabø.

Går det som entreprenøren håpar og siktar på skal dei vera ferdige med grunnarbeida, altså sprening av knausen framfor inngangen til Osbadet og kjellaren der dagens parkering ligg i løpet av ein månads tid.

– Til oss har dei sagt at dei tek sikte på å vera ferdig med grunnarbeida innan 4. august, seier Brattabø.

Dermed vil mykje av det tyngste arbeidet med massetransport og sprenging vera unnagjort før elevane byrjer på Kuventræ skule igjen til hausten.

Hallen er forventa å stå ferdig til sommaren 2018. Osbadet, Actic og dei andre fasilitetane i den eksisterande hallen vil vera open under heile byggjeperioda.

15,5 mill i spelemidler

I førehandsgodkjenning frå departementet kjem det fram at ein kan søkje om å få dekka 1/3 av kostnadane til idrettshallen.

  • 15 mill. kroner til dobbel idrettshall med 3 sett garderobar, min. 105 m2 lager for idrettsmateriell, takhøgd 7 m.
  • 0,5 mill. kroner til sosialt rom (sjå merknader)

Merknadane departementet viser til er desse:

Departementet har vurdert planane og godkjenner desse med følgjande merknader:

  •  For at sosialt rom, slik det er skildra i søknaden, skal kunne godkjennast, er det ein føresetnad at ein har tilgang på rommet utan å måtte nytta trapp.
  • Det er ein føresetnad at anlegget møter krava til universell utforming. Ein skal utstyre garderobar, dusjrom og toalett i samsvar med rettleiar "Universell utforming av idretts- og nærmiljøanlegg" V-0511 (2012)
  • Det er ein føresetnad at løysinga ein vel for lys i idrettsareala møter krav i høve til EN12139, klasse 2 jf. " Idrettsbelysning" - rettleier til EN 12193:2007 - publikasjon 3 frå Lyskultur
  • Det er ein føresetnad at det nye idrettsdekket tilfredsstiller funksjonskrava for golv iidrettsbygg (sjå rettleiar "Idrettshaller" V-0989 03/2016) og at det blir levert felttest av dekket etter overlevering.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.