Bjørn og Hanne fekk i går besøk av huseigar og tidlegare fiskehandlar Ingvar Lepsøe. (Foto: Kjetil Vasby Bruarøy)

Kjøkkenet og scenen er klar - så kjem uteservering

Hanne's Konditori & Musikkbar opnar fredag om ei veke. Nyleg godkjent uteservering skal stå klar før 17. mai.

image
image
image
image
image
image
Av: Kjetil Vasby Bruarøy

I februar fortalte ekteparet Hanne Hansen og Bjørn «Bosse» Sigurjonsson om planane i Brugata, fredag om ei veke opnar Hanne's Konditori & Musikkbar i lokalet til «Fiskar-Lepsøe'n».

– Eg synest det har blitt veldig fint her! For naboar og forbipasserande er det sikkert ein hyggeleg overgang frå duften av fisk til duften av bakst, seier Ingvar, som i fleire tiår dreiv som fiskehandlar i lokalet.

Kjøkkenet og scenen står klar

Det er framleis høg aktivitet i lokalet, men Bosse og Hanne held seg til planlagt opningsdato fredag 28. april.

– Vi kjem til å opna klokka 06.30 om morgonane, men akkurat opningsdagen ventar vi til 10 med å sleppa folk inn.

– Musikkbaren, som blir open i helgene, skal vanlegvis stenga til midnatt, men opningshelga køyrer vi på til 2.

Kjøkkenet er bygd på nytt og er allereie i drift. Den erfarne konditormeisteren Hanne har både tatt prøvebakst, alt med surdeig, og gjort unna dei første bestillingane på kaker.

– Det er opna for bestillingsvarer og vi har fått på plass ei lita utstilling i den delen av fasaden som er open, seier Hanne.

Vil bygga 12 meter lang uteservering

Hanne's Konditori & Musikkbr har fått godkjent å bygga uteservering ut i Brugata.

– Det blir nett som i Syden, der folk går mellom konditoriet og uterestauranten, forklarer Bjørn.

Terrassen skal byggast på utsida av dagens fortau, som altså blir i bruk som før, men med 5-6 bord og plass til rundt 20 gjestar ute på dagtid. Det er førebels ikkje ambisjonar om å skjenka utandørs.

– Terrassen blir ikkje klar til opningsdagen, men skal stå ferdig før 17. mai.

Fleire saker

bilde-midtsiden

Pleiepengar til fleire

21. september 2017

Frå 1. oktober får ordninga med pleiepengar ei betydeleg utviding.

bilde-midtsiden

Betaler millionar til Bergen

21. september 2017

68 ungar frå Os går i barnehage i Bergen, noko Os kommune betalte 4,7 millionar for i første halvår 2017.

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.