Innbrot i barnehage

Klokka 0413 fekk politiet melding frå eit vekterselskap om eit innbrot i ein privat barnehage i Os.

– Det blei meldt om bevegelse i bygget frå vaktselskapet. Alarmen var utløyst i tre ulike soner, noko som kan tyde på at det har vore brukt nøkkel for å ta seg mellom dei ulike romma, fortel lensmann Oddbjørn Dyrdal ved Os lensmannskontor.

Inn gjennom vindauge

Av omsyn til etterforskinga vil ikkje lensmannen seie kva barnehage som har hatt uvedkommande på besøk.

– Det eg kan seie er at dei har tatt seg inn gjennom eit vindauge kor vi har funne ferske spor både på utsida og innsia.

Trur på oppklaring

Lensmannen fortel at det skal ha vore meir enn ein person inne i barnehagen.

– Vi har opplysningar om antatte gjerningspersonar. Det er mellom anna kameraovervåking på staden, så det er stor sjanse for at vi tek dei aktuelle personane, avsluttar Dyrdal.