Innbrot på Kuventræ barneskule

Tysdag morgon blei det oppdaga at det har vore innbrot på Kuventræ barneskule.

– Det blei oppdaga då dei første av oss kom på jobb i 7-tida, fortel rektor Olav Røttingen.

Ei rute er knust og ein projektor er stolen.

– I tillegg har dei rota og romstert mykje rundt.

Klasserom sperra av

Skulen ventar no på at politiet skal koma til staden. Klasserommet er sperra av og elevane må få undervising i anna lokale denne formiddagen.

– Det var ein projektor dei var ute etter dei som gjorde innbrot her sist òg, seier Røttingen.

I midten av juni, rett før skuleferien starta i 2015, var førre innbrot på skulen.