Lokal | 24. mai 2012

Ivrig vatning av hagen?

Vatnet fossa ned Stegen torsdag kveld. No er vegen stengt for trafikk.

Ivrig vatning av hagen?
Varabrannsjef Arne Monsen sykla forbi brannstasjonen då han såg denne elva koma ned frå vegen bak stasjonen, Stegen. (Foto: KVB)
Kjetil Vasby Bruarøy
Kjetil Vasby Bruarøytorsdag 24. mai 2012 18:51

Bildeserie:

I 20-tida i kveld fossa det med vatn ned Stegen. (Foto: KVB)
I 20-tida i kveld fossa det med vatn ned Stegen. (Foto: KVB)
Lengre oppe har vatnet sett djupare spor. (Foto: KVB)
Lengre oppe har vatnet sett djupare spor. (Foto: KVB)
Asfalten lausna i store flak. (Foto: KVB)
Asfalten lausna i store flak. (Foto: KVB)
Her kjem vatnet opp. (Foto: KVB)
Her kjem vatnet opp. (Foto: KVB)
Teknisk mannskap frå kommunen på plass for å stenga vatnet. (Foto: KVB)
Teknisk mannskap frå kommunen på plass for å stenga vatnet. (Foto: KVB)
Stegen er no stengt for biltrafikk. (Foto: KVB)
Stegen er no stengt for biltrafikk. (Foto: KVB)
Vatnet rann heilt inn på Osøyro. (Foto: KVB)
Vatnet rann heilt inn på Osøyro. (Foto: KVB)
1 av 7
I 20-tida i kveld fossa det med vatn ned Stegen. (Foto: KVB)
Lengre oppe har vatnet sett djupare spor. (Foto: KVB)
Asfalten lausna i store flak. (Foto: KVB)
Her kjem vatnet opp. (Foto: KVB)
Teknisk mannskap frå kommunen på plass for å stenga vatnet. (Foto: KVB)
Stegen er no stengt for biltrafikk. (Foto: KVB)
Vatnet rann heilt inn på Osøyro. (Foto: KVB)

Litt før klokka 20 i kveld blei det varsla stor lekkasje i Stegen ved Os sentrum.

Det var varabrannsjef Arne Monsen som slo alarm, han var blant dei første som oppdaga lekkasjen då han sykla forbi gata, som ligg rett bak brannstasjonen, i kveld.

– Det er ein stor lekkasje et stykke oppe i Stegen. No stenger vi vatnet for å finna den, sa Monsen.

Stengt for trafikk

Teknisk vakt frå Os kommune og brannsjef Stein Gjøsund var raskt på plass.

– Det er eit gamalt etanitt-rør som ligg i denne gata her. Vi veit ikkje kor stor skaden er før vi har gravd den fram, fortel Gjøsund.

Stegen er no stengt for trafikk og fleire bustadar i området blir utan vatn ein del timar framover.

Ikkje første gong

– Det skjer ganske ofte. Skulle tru det snart var billigare å legga eit nytt rør her, meiner ein nabo Midtsiden snakka med.

Både i august 2010 og desember 2010 skreiv vi om lekkasje i Stegen. Den eine gongen var både sjukeheimen og Bjørnefjorden Gjestetun utan vatn.

– Denne gong får vi stengt over og under brotet, så det blir berre dei imellom som blir utan vatn.

– Fredag morgon kan vi, ved behov, koma ut med den nye tankbilen så dei som vil ha vatn til kaffi og kattevask kan henta vatn i gata. Bilen er godkjent som leverandør av drikkevatn, seier Gjøsund.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.