Jakta troll på Fløien

Bildeserie:

1 av 4

Klas Færøvik debuterte laurdag i hinderløpet Trolljegerprøven, låg i tet og landa på 2. plass, 30 sekund bak vinnaren.

– Det var eit utruleg kjekt løp, men sjølvsagt veldig hardt! Det gjekk naturlegvis fortast med oss som deltok individuelt, men 3-4 hinder er svært tunge å koma seg over åleine, ikkje minst etter fleire kilometer med løping, klatring og kryping.

Løypa er 8,1 kilometer lang, har 30 hinder og 400 høgdemeter. Klas førebudde seg ved å sjå nokre videosnuttar frå løypa.

Mista leiinga i vanskeleg hinder

– Eg hadde eit stygt fall på ei glatt bru to kilometer ut i løypa, som eg kjenner i dag, men du får så mykje adrenalin i slike konkurransar, at eg blei ikkje hindra av smerter.

– Det var etter cirka 7 km at eg mista leiinga, då eg rota med klatringa på eit vanskeleg hinder. Men eg klarte heldigvis å henta meg inn igjen godt nok til å koma på pallen.

Klas deltok ikkje i det lokale løpet Langedalen Opp søndag.

Topp 3:
1. Johan Ingemarsson 54:23
2. Klas Færøvik 54:53
3. Øystein Larsen 55:58

Frå Opptur Motbakkeklubb stilte også Erik Werner, som med 1:11:23 tok ein fin 21. plass av 49 deltakarar.

Kvinneklassen blei vunnen av Sara-Rebekka Færg Linde som kom i mål på 55:53.