Næringsliv | 05. mai 2017

Kan du bli flinkare med marknadsføringa?

Digital marknadsføring sto på plakaten då gründerparken og næringsrådet i går arrangerte foredrag for full sal.

Kan du bli flinkare med marknadsføringa?
Kjetil Vasby Bruarøy
Kjetil Vasby Bruarøyfredag 05. mai 2017 13:14

Bildeserie:

Lett og fin servering før og etter kurset. (Foto: KVB)
Lett og fin servering før og etter kurset. (Foto: KVB)
Lise Jæger. (Foto: Kjetil Vasby Bruarøy)
Lise Jæger. (Foto: Kjetil Vasby Bruarøy)
Daniel Skotheim takka foredragshaldarane. (Foto: Kjetil Vasby Bruarøy)
Daniel Skotheim takka foredragshaldarane. (Foto: Kjetil Vasby Bruarøy)
1 av 3
Lett og fin servering før og etter kurset. (Foto: KVB)
Lise Jæger. (Foto: Kjetil Vasby Bruarøy)
Daniel Skotheim takka foredragshaldarane. (Foto: Kjetil Vasby Bruarøy)

Etter førre populære foredrag, om sosiale medier med Espen Grimmert, blei generell digital marknadsføring sett på dagsorden i Os torsdag.

Bjørnefjorden Gründerpark, Os Sentrum og Os Næringsråd hadde invitert dagleg leiar i Kalibrert, Lise Jæger, og rådgjevar i sosiale medier, Pia Lykkebo, til å snakka til firma i Os. Responsen var god og salen i gründerparken var fullsett.

– Bli kjent med kundane dine

Jæger fortalte både om sosiale medier og med bruk av Google, analyse av trafikk til eigne heimesider - og om å bli kjent med eigne kundar.

– Dess meir du veit om kundane dine, dess meir målretta kan du bruka annonsekronene dine. Kjønn, alder og interesseområder kan bety noko når du vil spissa bodskapen eller målgruppa, dei du vil nå med annonsen.

Om du har epostadresse til kundane dine, og vil ut med eit tilbod til nye kundar, kan for eksempel Facebook retta annonsen til alle utanom desse - eller til og med laga eit «tvilling-publikum», ikkje-eksisterande kundar som liknar dei kunande du har i dag.

Nå ut med god informasjon

Lykkebo snakka blant anna om innhaldet på heimesida di, det du ser - og det folk finn om dei søkjer etter firmaet ditt eller varer du har.

– Det er lett å tenkja at «no har eg ei Facebook-side, no er det berre til å ausa ut med alt eg har å selja».

– Tenk deg om. Vil alle høyra på alt eg har å fortlja? Prøv å avgrense mengda, kvalitet er betre enn kvantitet.

– Få ei god forside på Facebook, del bilde og korte videoar, vêr aktuell og lokal, og sjå ut over eigen nase. Det finnest andre ting som er fornuftig å dela enn akkurat det du sjølv har for sal.

Vil bli flinkare til å planlegga

Katrine Brattfjell Heggland frå Nordisk Rom var blant butikkeigarane som deltok på seminaret. Ho er òg blant dei som både bruker Instagram, Facebook og har eigen nettbutikk.

– Eg gjekk glipp av det førre foredraget og er glad eg fekk med meg dette. Eg kan ein del frå før, men kan bli betre på fleire ting, ikkje minst det å planlegga aktivitetane mine.

– Sånn det er i dag så blir det ein del spontant, frå veke til veke, utan at eg tenkjer årstid eller sesong.

- I tillegg skal nettbutikken min få seg eit løft etter det dei sa om søkeord og tekst på heimesidene.

Sosial kundeservice

Blant andre deltakarar var Bjørn Stian Bjoarvik frå Picapoint. Picapoint driv sjølv med rådgjeving og foredrag, og har lang fartstid med digital annonsering for kundar.

– Det er veldig bra at digital marknadsføring blir sett på dagsorden på denne måten også lokalt i Os. Dette er avgjerande også for små verksemder, seier Bjoarvik.

– Kva har du sjølv fokus på når du held foredrag om dette temaet?

– Ved sidan av sjølve marknadsføringa så er dette med dialog med kundane eit viktig element. Stadig fleire bruker sosiale media også til kommunikasjon med kundane. Om nokon kommenterer eit innlegg, anten kommentaren er positiv eller negativ, så prøv å vera rask med å svara.

– Kundane vil samla sett oppleva det som positivt om dei merker at dei kan nå deg, at dei får dialog, utan å måtta ringa eller senda epost.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.