– Kan ha vore rusa
Det var ikkje mistanke om promille etter utforkjøringa på Hetleflåten i går. Men politiet har tatt beslag i førarkortet til mannen som sat bak rattet.
Onsdag i 18.20-tida var ein bil nær på å hamna i vatnet då den kjørte utfor på Hetleflåten.
Politi, ambulanse og brannvesen rykte ut til ulykka. Også BKK måtte ut i felten då bilen kjørte i ein stolpe på veg ned mot vatnet.
Førar skal ha blitt skadd i ei hand og blei tatt med til sjukehus for undersøking.
Mistanke om rus, men ikkje promille
– Vedkomande er mistenkt for uaktsam kjøring. Det er ikkje mistanke om promille, men det er mogleg at han var påverka av andre rusmiddel, seier politioverbetjent Audun Hadler-Olsen.
Politiet har tatt beslag i førarkortet. Bilførar er ein mann i midten av 30-åra frå Bergen.
Hund funnen
Ein hund var sakna etter ulykka.
– Det blei funnen ein hund i Os sentrum seinare same kveld. Eg er usikker på om det er same hund, seier Hadler-Olsen.
Ifølgje BA.no blei den sakna hunden funnen 200-300 meter frå ulykkesstaden.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.