Kapinga Brazy frå Sotra har gått frå Fyllingsdalen til Lysekloster. (Foto: Dagfinn Breivik, Lysekloster.no)

Kapinga til Lysekloster

Kapinga Brazy (19) spelte 21 kampar for Brann 2 i 2015. No vil han bli forsvarsklippe i Lysefjorden.

Av: Kjetil Vasby Bruarøy

Lysekloster har signert sin sjuande nye spelar etter sesongslutt, onsdag blei Kapinga Brazy klar.

Sjukdom øydela store delar av sesongen hans i år, der han spelte 5 kampar for Fyllingsdalen sitt A-lag og 2 for B-laget.

I 2015 hadde forsvarsspelaren 21 kampar for Brann 2, der han òg hadde 2 nettkjenningar.

«Vi kjenner Kapinga Brazy som en hardarbeidene, tøff og hurtig forsvarspiller med en pasningssikker fot. Han er røff i spillestilen og scorer ofte mål med hodet. En klippe som LIL trenger», skriv lysekloster.no, som òg nemner at lærarstudenten frå Sotra speler gitar på fritida, noko klubben håper medspelarane kan få glede av på lange bussturar.